Avrozona iqtisadiyyatı inkişaf etmir

Avrozona iqtisadiyyatı ötən ilin dördüncü rübündə əvvəlki rüblə müqayisədə böyüməyib.

Avropa Statistika İdarəsi (Eurostat) 2023-cü ilin son rübü üçün Avropa İttifaqı (Aİ) və Avrozonanın Ümumi Daxili Məhsulu (ÜDM) üzrə aparıcı məlumatları açıqlayıb. Məlumata görə, 20 üzvlü Avrozonada mövsümi təsirlərdən təmizlənmiş ÜDM 2023-cü ilin dördüncü rübündə əvvəlki rüblə müqayisədə sabit qalıb.

Avrozonada ÜDM ilin son rübündə əvvəlki ilin eyni dövrü ilə müqayisədə yüzdə 0,1 artıb. Bazar gözləntiləri Avrozonada ÜDM-in rüblük əsasda 0,1 faiz azalacağı və illik əsasda dəyişməz qalacağı idi. Açıqlanan məlumatların bazar gözləntilərindən daha müsbət olması diqqət çəkib. Ötən ilin dördüncü rübündə AB-də mövsümi təsirlərdən təmizlənmiş ÜDM rüblük əsasda sabit qalsa da, illik bazda 0,2 faiz artıb. Digər tərəfdən, AB və Avrozona iqtisadiyyatları keçən ilin üçüncü rübündə əvvəlki rüblə müqayisədə yüzdə 0,1 daralıb.

ÜDM əvvəlki rüblə müqayisədə dördüncü rübdə İrlandiyada 0,7 faiz, Almaniya və Litvada isə 0,3 faiz azalıb. Fransada ÜDM sabit qaldığı halda, İtaliyada 0,2 faiz artıb. Ötən ilin eyni dövrü ilə müqayisədə ÜDM İrlandiyada 4,8 faiz, Avstriyada 1,3 faiz, Almaniya, Çexiya və Latviyada 0,2 faiz azalıb. İsveçdə ÜDM dəyişməz qalıb, İtaliyada 0,5 faiz, Fransada 0,7 faiz artıb.