Avropa Mərkəzi Bankı faiz qərarını açıqlayıb

Avropa Mərkəzi Bankı (AMB) bu ilin ikinci pul siyasəti iclasında 3 əsas siyasət dərəcəsini bazar gözləntilərinə uyğun olaraq sabit saxlayıb.

Avropa Mərkəzi Bankı (AMB) bazarın gözləntilərinə uyğun olaraq, İdarə Heyətinin bugünkü iclasında əsas faiz dərəcələrini dəyişməz saxlayıb. Standart faiz dərəcəsini 4,50 faiz səviyyəsində saxlayan AMB depozit faiz dərəcəsini 4,0 faiz, marjinal faiz dərəcəsini isə 4,75 faiz səviyyəsində saxlayıb.

"AMB faiz dərəcələrinin lazım olduğu müddətdə kifayət qədər məhdudlaşdırıcı olmasını təmin edəcək", - deyə bəyanatda deyilir. İdarə Heyətinin iclasından sonra açıqlanan proqnozlarda bank inflyasiya və artım proqnozlarını aşağı salıb.

AMB 2024-cü il üçün inflyasiya proqnozunu 2,7 faizdən 2,3 faizə, artım proqnozunu isə 0,8 faizdən 0,6 faizə endirib.

AMB-nin İdarə Heyətinin iclasından sonra yaydığı press-reliz belədir:

“İdarəetmə Şurası bu gün ECB-nin üç əsas faiz dərəcəsini dəyişməz saxlamağa qərar verdi".