Bitcoin-də kəskin eniş: 4,6 faiz azaldı

Həftə ərzində yüksəliş trendini davam etdirən kriptovalyuta Bitcoin 4,6 faiz ucuzlaşaraq kəskin eniş yaşadı. Bitkoin hazırda 67 620 dollara satılır.

Bitcoin kriptovalyutasının qiyməti spot Bitcoin mübadilə fondlarına (ETF) maraq davam etdiyi üçün həftə ərzində rekord qırıb. Dünən 73 min 798 dollarla tarixi zirvəsinə çatan dünyanın ən qiymətli kriptovalyutası bitkoin 4,6 faiz dəyər itirib.

Həftənin son ticarət günündə 67 min dollara kimi ucuzlaşan bitkoin səhər saat 9:00-a olan məlumata görə 67 620 dollardan satılır.

Böyük mərkəzi bankların bu il faiz dərəcələrini azaltmağa başlayacağı və daha dəstəkləyici pul siyasətinə keçəcəyi ilə bağlı gözləntilər də Bitcoin-in artımını dəstəkləyib. Analitiklər qeyd edirlər ki, kriptovalyutanın qiymətindəki yüksəliş sürəti aprel ayında baş verəcək yarılanma prosesi və yeni Bitkoin tədarükünü azaldacaq şəkildə davam edə bilər.