Rusiyada yüksək gəlir əldə edənlər üçün vergi öhdəlikləri artırılır
Rusiya hökuməti paytaxt Moskvada keçirilən iclasda Rusiya Maliyyə Nazirliyinin vergi qanunvericiliyinə dəyişikliklərlə bağlı təklifini müzakirə edib.
İclasın sonunda təsdiq edilən təklifə əsasən, ölkədə şirkətlərin və yüksək gəlirli işçilərin vergi öhdəlikləri artırılıb.
Rusiyada ildə 2,4 milyondan 5 milyon rubla qədər qazananların gəlir vergisi dərəcəsi 13 faizdən 15 faizə yüksəlib. Gəlir vergisi dərəcələri 5 ilə 20 milyon rubl arasında qazananlar üçün 18 faizə, 50 milyon rubldan çox qazananlar üçün isə 22 faizə yüksəlib.
Ölkədə korporativ vergi dərəcəsi 20 faizdən 25 faizə yüksəldiyi halda, ildə 2,4 milyon rubldan az gəlir əldə edənlər üçün gəlir vergisi dərəcəsi sabit olaraq 13 faiz səviyyəsində saxlanılıb.
Rusiya Baş naziri Mixail Mişustin yığıncaqda etdiyi şərhdə, vergi artımlarından təxminən 2 milyon insanın təsirlənəcəyini bildirib.
Digər xəbərlər
Dövlət Agentliyi yenə zərər etdi, yığılmış zərəri 24 milyon manatı keçdi
