USD1,7000
EUR1,8634
GBP2,1133
RUB0,0208

Yaponiyada korporativ iflaslar son 11 ildə ən yüksək səviyyədədir

11.06.2024 İqtisadiyyat
0 0
Yaponiyada bu ilin may ayında korporativ iflaslar əvvəlki ilin eyni dövrü ilə müqayisədə 42,9 faiz artıb. Beləliklə, aylıq müflisləşən korporativ şirkətlərin sayı son 11 ildə ilk dəfə olaraq 1000-i keçib.

Kredit araşdırma şirkəti Tokyo Shoko Research aylıq olaraq iflas xəbəri verən korporativ şirkətlərin son vəziyyətini araşdırıb.

Araşdırmada Yaponiyada may ayında iflas edən korporativ şirkətlərin sayı bir əvvəlki ilə görə yüzdə 42,9 artaraq 1009-a çatıb.

Müvafiq olaraq, Yaponiyada son 11 ildə ilk dəfə olaraq aylıq müflisləşən korporativ şirkətlərin sayı 1000-i keçib.

İncələnilən 10 sektor arasında ən çox iflas 327 şirkətlə xidmət sektorunda baş verib. İkinci yerdə 193 şirkətlə tikinti sektoru qərarlaşıb.

Xarici valyuta qarşısında dəyər itirən Yapon Yeninin xammal və enerji xərclərini artırdığı və bunun şirkətlər üçün “ödənilməz xərclər” yaratdığı vurğulanıb.