İyulun 27-də və 28-də saat 18:30-dan 21:00-dək Böyükşor parkında ASAN Könüllüləri Məktəbinin təşkilatçılığı və “Yaşıl ASAN”, Azərbaycan Yelkənli İdman Federasiyası , “Təmiz şəhər” QSC, “Coca Cola”, “Sevimli Bala” klubu, “Amapola Exclusive Events”in təşəbbüsü ilə Bakı Piknik Festivalı keçirilir.
Kommersant.az-ın xəbərinə görə, tədbirin təşkilatçıları AZƏRTAC-a bildiriblər ki, festival çərçivəsində “Optimist” və “Lazer” qayıqları nümayiş etdiriləcək, uşaqlara dənizçi düyününün bağlanması və qayıqların idarə edilməsi əyani şəkildə göstəriləcək.
Festivalda “Sevimli bala” klubu tərəfindən uşaq əyləncə guşəsi də təşkil olunacaq.