.jpg)
Azərbaycanda son beş ildə orta əməkhaqqı 40%-dən çox artıb
Kommersant.az bu barədə Dövlət Statistika Komitəsindən məlumat əldə edib.
Məlumata görə, bu göstərici əvvəlki illə müqayisədə 75,4 manat və ya 8,1%, son beş ilin göstəriciləri ilə müqayisədə isə 301,9 manat, yaxud da 42,7% çoxdur. Belə ki, 2023-cü ildə ölkə iqtisadiyyatında muzdla çalışan işçilərin orta aylıq nominal əməkhaqqı 933,8 manat, 2020-ci ildə isə 707,3 manat olub.
Həmçinin, 2021-ci ildə Azərbaycan iqtisadiyyatında muzdla çalışan işçilərin orta aylıq nominal əməkhaqqı 732,1 manat, 2022-ci ildə isə 839,4 manat idi.
Qeyd edək ki, ötən il iqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, eləcə də informasiya və rabitə sahələrində orta aylıq nominal əməkhaqqı daha yüksək olub.
Xatırladaq ki, cari ilin yanvarın 1-i vəziyyətinə ölkə iqtisadiyyatında muzdla çalışan işçilərin sayı ilkin məlumatlara əsasən 1,7 milyon nəfər olub, onlardan 882,8 min nəfəri iqtisadiyyatın dövlət sektorunda, 895,7 min nəfəri isə qeyri-dövlət sektorunda fəaliyyət göstərib.
Digər xəbərlər
Daha bir ödəniş şirkətinin fəaliyyəti müvəqqəti dayandırılır - Səbəb açıqlandı
11 ayda 143 mindən çox şəxsə proaktiv qaydada müavinət və təqaüd verilib
