İşdən qanunsuz çıxarılan 7 nəfər əvvəlki işinə bərpa etdirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti 2025-ci ilin yanvar və fevral ayları ərzində vətəndaş müraciətlərini araşdırarkən işəgötürənlər tərəfindən sosial xarakterli ödənişlər olan 40 min manatdan çox vəsaitin işçilərə ödənilməsinin gecikdirildiyi müəyyən olunub. Bununla əlaqədar görülən tədbirlər nəticəsində həmin vəsait işəgötürənlər tərəfindən işçilərə ödənilib.

Kommersant.az xəbər verir ki, bu barədə ƏƏSMN məlumat yayıb.

Bildirilib ki, həmin vəsaitin 86,3 faizi əməkhaqlarından, qalan hissəsi işəgötürənlər tərəfindən ödənilməli olan müavinət və kompensasiyalardan, zərərə görə ödənclərdən ibarət olub.

Müraciətlərin araşdırılması zamanı Xidmət həmçinin 7 işçinin əmək müqavilələrinə qanunvericiliyin tələbləri pozulmaqla xitam verildiyini müəyyən edib.

Xidmətin qanunvericiliyə əsasən gördüyü tədbirlər nəticəsində həmin işçilər yenidən əvvəlki işlərinə bərpa olunublar.

News Department

Xəbərin müəllifi

Facebok Twitter LinkedIn

Əvvəlki
Azərbaycanda su və istilik elektrik enerjisi istehsalı artıb
Sonrakı
Bank of America-nın Türkiyə üçün inflyasiya və faiz revizyonu: Proqnozlar artdı

Digər xəbərlər

04.07.2025 İqtisadiyyat