Azərbaycan və Ukrayna arasında idxal-ixrac əməliyyatlarının həcmi 344 milyon dollar olub

01.08.2018 İqtisadiyyat
2018-ci ilin 6 ayında Azərbaycan və Ukrayna arasında idxal-ixrac əməliyyatlarının həcmi 344 milyon dollara yaxın olub. Bu 2017-ci ilin müvafiq dövrü ilə müqayisədə 58,4 milyon dollar çoxdur

"Kommersant.az" bildirir ki, bu barədə AZƏRTAC-a Ukrayna Dövlət Statistika Komitəsindən məlumat verilib.

Məlumata görə, 2018-ci ilin hesabat dövründə Azərbaycandan Ukraynaya 146 milyon 553 min 67 dollar dəyərində məhsul ixrac olunub. Hesabat dövründə Azərbaycanın Ukraynadan etdiyi idxalın dəyəri isə 197 milyon 312 min 68 dollar təşkil edib.
Qeyd edək ki, 2017-ci ildə Azərbaycan və Ukrayna arasında idxal-ixrac əməliyyatlarının həcmi 810 milyon dolları ötüb ki, bu da 2016-cı illə müqayisədə 2,4 dəfə çoxdur.