.jpg)
Altı ay ərzində “Şahdəniz”dən 5 milyard kubmetr təbii qaz çıxarılıb
Bu barədə "Kommersant.az"a "BP Azerbaijan" şirkətindən məlumat verilib. Bildirilib ki, mövcud "Şahdəniz" qurğularının maksimum hasilat gücü hazırda gündəlik 32 milyon standart kubmetr və ya ildə təqribən 10,9 milyard kubmetrdir.
"Şahdəniz" yatağı Azərbaycan (SOCAR-a), Gürcüstan ("GOGC" şirkətinə) və Türkiyə ("Botaş" şirkətinə) bazarlarına və çoxsaylı obyektlər üçün BTC şirkətinə etibarlı şəkildə qaz çatdırılmasına davam edib.
Yanvar-iyun aylarında "Şahdəniz" üzrə fəaliyyətlərə təqribən 250 milyon dollar əməliyyat və 798 milyon dollar isə əsaslı xərclər sərf olunub. Əsaslı xərclərin böyük əksəriyyəti "Şahdəniz-2" layihəsinə aiddir.
"Şahdəniz"də iştirak payları belədir: BP (operator – 28,8 faiz), AzŞD (10 faiz), "SGC Upstream" (6,7 faiz), "Petronas" (15,5 faiz), "LUKoil" (10 faiz), "NICO" (10 faiz) və "TPAO" (19 faiz).
Digər xəbərlər
Qlobal qızıl trafiki sürətlənir: İsveçrədən Türkiyəyə 9,3 ton göndərilib
