Azərbaycan neftinin qiyməti 70 dollara yaxınlaşıb
04.06.2025
İqtisadiyyat
0
0
İtaliyanın Augusta limanında Azərbaycanın "Azeri Light" markalı neftinin CIF bazisi üzrə qiyməti əvvəlki göstərici ilə müqayisədə 1,05 ABŞ dolları və ya 1,53% artaraq, 69,87 dollar/barel təşkil edib.
Məlumata görə, Türkiyənin Ceyhan limanında FOB bazasında “Azeri Light” markalı neftin bir barelinin qiyməti 0,95 dollar və ya 1,41% bahalaşaraq 68,56 dollar təşkil edib.
URALS markalı xam neftin qiyməti əvvəlki göstərici ilə müqayisədə 1,06 dollar və ya 1,96% artaraq, 55,2 dollar/barelə bərabər olub.
Şimal dənizində hasil edilən “Dated Brent” markalı neftin bir barelinin qiyməti əvvəlki göstəricidən 1,09 dollar və ya 1,63% artaraq, 67,92 dollar/barel təşkil edib.
Azərbaycanın 2025-ci il üçün dövlət büdcəsində bir barel neftin orta qiyməti 70 ABŞ dollarından hesablanıb.
Digər xəbərlər
