Ukrayna şirkəti Azərbaycanda spirtli içki istehsalına başlayır

05.08.2018 İqtisadiyyat
Ukraynanın "Global Spirits" spirtli içki holdinqi ("Xortitsa", "Shustoff", "Moroşa" brendləri) öz məhsullarını Azərbaycanda da istehsal edəcək.

"Kommersant.az" "Report"a istinadən xəbər verir ki, bunu "Radio NV"nin efirində holdinqin sahibi Yevgeni Çernyak deyib.
"Biz, məncə avqustun 10-dan etibarən Azərbaycanda istehsala başlayırıq", - deyə o bildirib.
Onun sözlərinə görə, "şirkət xarici bazarlarda inkişaf etmək qərarına gəlib. Çünki bu bazarlar daha sabit, marja daha yüksəkdir və biznes üçün oyun qaydaları daha ədalətlidir".