Rusiya-Ukrayna hadisələri fonunda neft qiymətləri aşağı düşür

Beynəlxalq bazarlarda Brent markalı xam neftin bir bareli 63,31 dollara satılıb.

Dünən 64.37 dollara yüksələn Brent markalı neftin qiyməti günü 63.74 dollarla bağladı.

Bu gün səhər saat 9:40-a olan məlumata görə, Brent markalı neftin qiyməti bağlanış qiymətindən 0.7 faiz azalaraq 63.31 dollara çatıb. Eyni zamanda, West Texas Intermediate (WTI) markalı neftin bir bareli 59.27 dollardan ticarət edilib.

Qiymətlərin enməsinə Ukraynanın Rusiya neft anbarına pilotsuz uçuş aparatının (PUA) hücumundan sonra dayandırılan neft yükləmə əməliyyatlarının bərpa olunması xəbəri səbəb olub.

İki günlük fasilədən sonra bazar günü yükləmə əməliyyatlarının bərpası bazarlarda təchizatla bağlı narahatlıqları aradan qaldıraraq qiymətlərə aşağı təzyiq göstərib.

Ötən həftə Rusiyanın Novorossiysk vilayətinin qubernatoru Andrey Kravçenko Telegram hesabında yazılı açıqlamasında Ukraynanın Novorossiysk şəhərinə intensiv dron hücumu başlatdığını bildirib. Kravçenko Ukraynanın bəzi binalara və infrastruktura zərər verən dron hücumundan sonra "fövqəladə vəziyyət" elan etdiyini açıqlayıb. Ukraynanın pilotsuz təyyarəsinin hücumu nəticəsində bölgədəki neft anbarına da ziyan dəyib.