.jpg)
Macarıstana tədarük ediləcək Azərbaycan qazının həcmi açıqlanıb
11.12.2025
İqtisadiyyat
0
0
Azərbaycan buyaxınlarda imzalanmış müqavilə çərçivəsində Macarıstana 800 milyon kubmetr qaz tədarük edəcək.
Kommersant.az xəbər verir ki, bunu Macarıstanın xarici işlər və xarici ticarət naziri Piter Siyyarto "Facebook" səhifəsində qeyd edib.
“Təbii qaz alışı üzrə daha bir saziş: bu dəfə Azərbaycanla, iki il müddətinə, 800 milyon kubmetr!” – deyə nazir yazıb.
Xatırladaq ki, SOCAR ilə Macarıstanın “MVM ONEnergy” şirkəti arasında təbii qaz tədarükünə dair sazişin imzalanması 10 dekabr tarixində SOCAR prezidenti Rövşən Nəcəf ilə MVM Group-un baş direktoru Karoli Matray arasında keçirilən görüş zamanı baş tutub.
2026-cı il yanvarın 1-də qüvvəyə minəcək saziş Azərbaycanla Macarıstan arasında strateji enerji tərəfdaşlığının daha da möhkəmlənməsinə xidmət edəcək.
Yeni təbii qaz tədarükü sazişi şirkətlər arasında olan əvvəlki razılaşma əsasında hazırlanıb.
Digər xəbərlər
11.12.2025
İqtisadiyyat
11 ayda 143 mindən çox şəxsə proaktiv qaydada müavinət və təqaüd verilib
0
0
