26.08.2018 İqtisadiyyat

0 0

"Kommersant.az"ın bildirdiyinə görə, AZƏRTAC-ın bölgə müxbiri xəbər verir ki, LDU-ya qəbul olunmuş tələbələrin qeydiyyatına universitetdə fəaliyyət göstərən fakültələrin dekanlarından və əməkdaşlarından ibarət işçi qrupu nəzarət edir. Tələbələrin qeydiyyatı zamanı növbəlilik prinsipinin, qayda-qanunun və nizam-intizamın qorunması diqqət mərkəzində saxlanılır.
LDU-nun rektoru vəzifəsini icra edən professor Natiq İbrahimov tələbə və valideynlərlə görüşərək qeydiyyat prosesinin gedişi ilə tanış olub, ölkəmizin müxtəlif şəhər və rayonlarından, paytaxt Bakıdan gəlmiş tələbələrə ali təhsil üçün məhz LDU–nu seçmələrində heç də yanılmadıqlarını, burada tam şəffaf və obyektiv təhsil mühitinin yaradıldığını, təlim-tədris və təcrübə bazasının daim yeniləndiyini, yüksək ixtisaslı pedaqoji kadrların tədris prosesinə cəlb edildiyini bildirib.
Ali təhsil ocağına qəbul olunmuş tələbələrin qeydiyyatının aparılması üçün yaradılmış komissiyanın verdiyi məlumata görə, bu il LDU-nun əyani və qiyabi şöbələrinə 26 ixtisas üzrə 1036 tələbə qəbul olunub.
Universitet rəhbərliyi tərəfindən aztəminatlı ailələrə ödənişli ixtisaslara qəbul edilən tələbələrə illik ödəniş haqqının birdəfəlik deyil, təhsil ili müddətində mərhələli şəkildə ödəmək imkanı da yaradılıb.
Tələbələrin qeydiyyatı şənbə və bazar günləri də daxil olmaqla, avqustun 28-nə kimi davam edəcək.