USD1,7000
EUR1,8634
GBP2,1133
RUB0,0208

Aramsız yağışlar ot biznesinə mənfi təsir göstərir

11.05.2018 İqtisadiyyat
0 0
Aran bölgəsində biçilmiş otun bağlanması ləngiyib. Təsərrüfatçılar biçilmiş otu qışa saxlaya bilməyəcəklər.

Mexanizator Nurəddin Meydanov deyir ki, biçin aparılmış sahələrdə otun bağlanması işləri son günlər düşən aramsız yağıntı səbəbindən hələ bir neçə gün də ləngiyə bilər. Otun yaş halda bağlanması, aqreqatın çalışmasına da mənfi təsir göstərir.

Təsərrüfatçılar deyir ki, birinci üz biçini aparılmış otun hələ də sahələrdən götürülməməsi ikinci üzün biçinini ləngidəcək. Biçilib qalan ot kökü yerdə olan bitkinin yenidən inkişafına mane olur. Təsərrüfatçıların sözlərinə görə, bununla başqa bir çətinlik də ortaya çıxıb. Biçilmiş birinci üz otu qışa saxlamaq mümkün olmyacaq. Qeyd edək ki, havaların dəyişkən keçməsi səbəbiylə əksər yonca sahələrində isə hələ də biçin işləri aparılmayıb.

YAĞIŞIN YARATDIĞI İKİNCİ PROBLEM: İLBİZ
İmişlidə bəzi yonca sahələri ilbizlərin hücumuna məruz qalıb. Bu canlılar bitkini yeməklə təsərrüfatçıların da işini çətinə salıb.

İmişlinin Rəsullu kəndindən olan təsərrüfatçılar bildirir ki, payızda bir dəfə səpin aparılsa da yoncadan bitiş alınmayıb. İkinci səpin də effekt verməyib. Sahəyə yayılan ilbizlər bitkinin kök sistemini sıradan çıxarıb.

Hazırda ilbizlərə biçilmiş yonca sahələrində də rast gəlinir. Təsərrüfatçılar deyir ki, bu canlılar biçilərək qurudulan yoncanı da yeyirlər.

Mütəxəssislərin sözlərinə görə, ilbizlərin çoxalmasının səbəbi son günlər yağan aramsız yağışlar fonunda rütubətliyin artmasıdır. Nəticədə ilbizlər çoxaldıqca yonca sahələrinə də siraət edirlər. Mütəxəssis bu canlılara qarşı müxtəlif dərmanlardan da istifadə edilməsini vacib hesab edir.

  • Əvvəlki

    Rəsmi məzənnələr açıqlandı

Digər xəbərlər

28.03.2024 İqtisadiyyat
Bu günə olan valyuta məzənnələri
0 0
27.03.2024 İqtisadiyyat
Apple panoramik ekranlı iPhone-u icad etdi
0 0
27.03.2024 İqtisadiyyat
Avropada qazın qiyməti yenidən bahalaşıb
0 0
27.03.2024 İqtisadiyyat
Elektron ticarətə vergilər - YOLDADIR
0 0
27.03.2024 İqtisadiyyat
Avropada saatlıq əmək xərcləri artdı
0 0
27.03.2024 İqtisadiyyat
Türkiyənin xam neft idxalı artıb
0 0