Avropa Komissiyası İrana tətbiq edilən sanksiyaya şərh verməyib.
"Kommersant.az" xəbər verir ki, qurum rəsmisi Marqaritis Sxinas bu gün keçirilən brifinq zamanı sanksiyalarla bağlı sualları cavablandırmaqdan yayınıb:
"Sizi bu sualla bağlı Federika Moqerininin ötən cümə yayılan bəyanatı ilə tanış olmağa çağırıram. Detallar barədə danışmayacam. Əgər vəziyyət dəyişsə, biz bu söhbətə qayıdarıq", - Sxinas qeyd edib.
Xatırladaq ki, Avropa İttifaqı, Almaniya və Böyük Britaniya ötən cümə birgə bəyanat yayaraq bildirmişdilər ki, ABŞ-ın İrana tətbiq edəcəyi sanksiyalara baxmayaraq, İranla maliyyə münasibətləri saxlanılacaq.