USD1,7000
EUR1,8634
GBP2,1133
RUB0,0208

Bu il BTC ilə 10,8 mln. ton neft nəql olunub

16.05.2018 İqtisadiyyat
0 0
Bu ilin yanvar-aprel ayları ərzində Azərbaycanın magistral neft kəmərləri ilə 13 349,8 min ton neft nəql edilib.

"Kommersant.Az"ın Dövlət Statistika Komitəsinə istinadən verdiyi xəbərə görə, magistral neft kəmərləri ilə nəqletmədə ötən ilin müvafiq dövrü ilə müqayisədə 4% azalma qeydə alınıb.

Nəqletmənin 81,4%-i Bakı-Tbilisi-Ceyhan (BTC) neft ixrac kəməri ilə həyata keçirilib və cari ilin yanvar-aprel ayları ərzində bu kəmər vasitəsilə 10 861,6 min ton neft ötürülüb. Bu isə ötən ilin müvafiq dövründən 0,17% azdır.

Dövr ərzində BTC kəməri ilə 2,009 mln. ton tranzit nefti də nəql edilib ki, bu da illik müqayisədə 5% azdır.

Qeyd edək ki, BTC boru kəməri Bakı yaxınlığındakı Səngəçal terminalından başlayır. Boru kəmərinin gündəlik ötürmə qabiliyyəti 1,2 mln. bareldir. 1 768 km uzunluğunda olan BTC boru kəməri 2006-cı ilin iyununda istismara verilib. Hazırda BTC boru kəməri, əsasən, Azərbaycandan AÇG nefti və "Şahdəniz" kondensatı daşıyır. Bundan əlavə, BTC vasitəsilə digər xam neft və kondensat həcmləri, o cümlədən tranzit nefti nəql olunur.

  • Əvvəlki

    Dolların sabaha olan məzənnəsi

Digər xəbərlər

29.03.2024 İqtisadiyyat
Neftimiz bahalaşdı
0 0
29.03.2024 İqtisadiyyat
Bu günə olan valyuta məzənnələri
0 0