GECF: Azərbaycan hazırda beynəlxalq qaz habına çevrilib

"Azərbaycan hazırda beynəlxalq qaz habına çevrilib və bu, Prezident İlham Əliyevin rəhbəri olduğu Azərbaycan hökumətinin yürütdüyü ağıllı və müdrik siyasət nəticəsində mümkün olub."

"Kommersant.Az" bildirir ki, bunu 25-ci Beynəlxalq Xəzər Neft və Qaz Konfransının "Dayanıqlı gələcəyin inkişafı üçün əsas amillər: kooperasiya və innovativlik" adlı plenar iclasında Qaz İxrac Edən Ölkələr Forumunun (GECF) baş katibi Yuriy Sentyurin deyib.

Onun sözlərinə görə, Azərbaycanın bu təşkilata 2015-ci ildə qoşulub və o, ölkənin forumun üzvü olduğundan qürur duyur.

Enerji bazarının gələcəyinə toxunan Y.Sentyurin bildirib ki, onun rəhbərlik etdiyi təşkilat təbii qaza olan ehtiyacın 2040-cı ilə qədər hər il 3,5%, ümumilkdə isə 25% artacağını proqnozlaşdırır. Onun sözlərinə görə, bu, şəhərlərin inkişafından, Asiyanın qaz bazarındakı artımdan və qazın elektrik enerjisinin istehsalında hələ də əsas mənbə olmasından asılı olacaq:

"Bu, həmçinin ekoloji məsələlər və qazın təmiz enerji mənbəyi olması ilə bağlıdır. Qaz kimi enerji mənbəyi BMT-nin dayanıqlı inkişaf məqsədlərinə nail olmasına yol açır", - o əlavə edib.

Kommersant.az

Xəbərin müəllifi

Facebok Twitter LinkedIn

Əvvəlki
114 dövlət əmlakı özəlləşdirilir - Kinoteatr, şadlıq evi...
Sonrakı
TPAO-nun rəhbəri: "Türkiyə Azərbaycan üçün əsas ticarət tərəfdaşı olaraq qalır"