Azərbaycan Respublikasının Dövlət Neft Fondu 01 iyun 2018-ci il tarixinə Azəri-Çıraq-Günəşli (AÇG) və "Şahdəniz" üzrə əldə etdiyi gəlirləri açıqlayıb.
Fonddan "Kommersant"a daxil olmuş məlumata görə, AÇG yatağı üzrə əldə olunan ümumi gəlirlər (2001-ci ildən etibarən) 132 milyard 271 milyon ABŞ dolları təşkil edib.
01.01.2018 - 01.06.2018 tarixində isə AÇG yatağından 3 milyard 785 milyon ABŞ dolları gəlir əldə edilib.
2007-ci ildən etibarən "Şahdəniz" yatağı üzrə əldə olunan ümumi gəlirlər 2 milyard 506 milyon ABŞ dolları təşkil edib.