Daha bir ölkə OPEC+ kvotasına əlavə olaraq neft hasilatını azaldacaq

12.05.2020 Energetika
BƏƏ iyun ayında OPEC+ çərçivəsində öhdəliklərinə əlavə olaraq neft hasilatını sutkada daha 100 min barrel azaldacaq.

"Kommersant.az"-ın "İnterfaks"a istinadən verdiyi məlumata görə, bunu ölkənin neft naziri Suheyl əl-Məzrui bildirib.

Onun sözlərinə görə, bu addımla BƏƏ Səudiyyə Ərəbistanının bazarı sabitləşdirmək üzrə səylərini dəstəkləyəcək.

Xatırladaq ki, daha əvvəl Küveyt də iyun ayında OPEC+ çərçivəsində öhdəliklərinə əlavə olaraq neft hasilatını sutkada daha 100 min barrel azaldacağını bildirib.