Apple “iPhone 911” çağırış mərkəzləri üçün daha dəqiq informasiya göndərəcək

Apple şirkətinin verdiyi məlumata görə, son yenilənmədə iPhone telefonları üçün bəzi xüsusiyyətlər tətbiq ediləcək. Belə ki, 911 çağırış nömrəsindən istifadə edərkən sizin yeriniz müraciətçiyə birbaşa göstəriləcək. Bununla da, köməyə ehtiyacı olanlara daha tez yardım ediləcək.

"Kommersant" xəbər verir ki, sözügedən yeniliklərin İOS 12-də tətbiq ediləcəyi gözlənilir. Təcili çağırış mərkəzləri isə öz növbəsində bu xidməti həyata keçirmək üçün "Hybridized Emergency Location" adlandırılan texnologiyadan istifadə edəcək. Bu texnologiya iPhone modellərinin Wifi və GPS sisteminə bağlı olaraq çalışır. Buna görə də Apple-dan bildiriblər ki, smartfonlarda bu iki xüsusiyyət inkişaf etdiriləcək.

Şirkətin baş icraçı direktoru Tim Cook’un sözlərinə görə bununla Apple istifadəçilər üçün "ən faydalı texnologiya" adını qazanacaq.

Tətbiqin tanıtım vaxtının istifadəyə verilməsi isə sentyabr ayına planlaşdırılır. Əslində, bu xüsusiyyət fevral ayında tətbiq edilsə də, Apple müəyyən çatışmazlıqlarla qarşılaşmış və buna görə də yeniliyi sistemdə müvəqqəti təxirə salmışdı.

Nərmin Həsənli