Apple və Samsung patent məhkəməsində razılaşdı
ABŞ-ın Şimali Kaliforniya Bölgəsindəki Bölgə Məhkəməsində əldə edilmiş razılaşmanın şərtləri barədə məlumat verilməyib.
"Kommersant" xəbər verir ki, Apple, 2011-ci ildə Samsung-un iPhone-un dizaynını "birə-bir" köçürdərək patent hüquqlarını pozduğu iddiası ilə məhkəməyə müraciət etmişdi.
Samsung patentlərdən bəzilərini pozduğu üçün Apple-a daha əvvəl 399 milyon dollar təzminat ödədikdən sonra, ABŞ-da bir məhkəmənin hakimləri keçən ay Samsung-un Apple-a 539 milyon dollar təzminat ödəməli olduğu barədə qərar vermişdi. Qərar təsdiq olunarsa Samsung-un Apple-a təxminən 140 milyon dollar əlavə ödəniş etməsi lazımdır.
Razılaşmaya görə, Samsung-un Apple-a bir ödəniş etməsi lazımdırsa miqdarın nə olduğu hazırda məlum deyil.
Apple-ın sözçüsü müqavilənin şərtlərinə dair açıqlama verməyərək, Apple-ın "dizayna böyük əhəmiyyət verdiyini" və "bu iddianın puldan daha çox şey ifadə etdiyini" deyib.
Samsung-un sözçüsü də açıqlama verməyib.
Digər xəbərlər
