13.01.2021 İqtisadiyyat

0 0

"Kommersant.az" xəbər verir ki, bunu Dövlət Mineral Xammal Ehtiyatlarından İstifadə Agentliyinin İdarə Heyətinin sədri Samir Qurbanov deyib. O həmçinin bildirib ki, 2021-ci ildən yer təki sahələrinin istismara verilməsi hərrac qaydasında nəzərdə tutulub. Bununla bağlı ETSN tərəfindən müvafiq yer təki sahələri də seçilib:

"Hazırda istismara hazır olan yataqlar müvafiq icra hakimiyyəti qurumları tərəfindən razılaşdırılma mərhələsindədir. Bu proses başa çatdırılandan sonra ictimaiyyətə geniş məlumat veriləcək. Həmçinin nazirliyin rəsmi saytında da hərraca çıxarılacaq yataqlar barədə məlumat yerləşdiriləcək".

S. Qurbanov qeyd edib ki, həmçinin dağ-mədən ayrılması da iki yolla ayrılır: hərrac-müsabiqə və danışıqlar keçirilməsi yolu ilə: "Əgər yatağın ehtiyat həcmi 50 min kub metrdirsə, ona uyğun inkişaf planı hazırlanır, 50 min kub metrdən artıqdırsa, istismar layihəsi hazırlanır. Burada istismar həcmlərinə diqqət etmək lazımdır. Normadan artıq qazmağa icazə verilmir. İstismarın düzgün aparılıb-aparılmadığı dəqiqləşdirilir və bunun əsasında fəaliyyətə qiymət verilir. Dağ-mədən ayrılması faydalı ehtiyatları sübut edilən ərazilərə verilir. Bu hərrac-müsabiqə və danışıqlar keçirilməsi yolu ilə mümkündür".