Sürücü həyatını itirdi: Tesla ilk "avtopilot" məhkəməsini qazanıb

ABŞ-ın elektrikli avtomobil istehsalçısı Tesla, "avtopilot" sürücüyə dəstək sisteminin ölümcül qəzaya səbəb olduğu səbəbi ilə ona qarşı açılan məhkəməni qazanıb.

Vasitədə olan iki sərnişinin 2019-cu ildə baş vermiş qəzadan sonra “avtopilotun nasaz olması” ittihamı ilə Tesla-ya qarşı qaldırdığı iddia yekunlaşıb.

Kaliforniyanın Riverside County Ali Məhkəməsində baxılan işdə 12 nəfərlik münsiflər heyəti qəzaya uğrayan avtomobildə istehsal qüsurunun olmadığını müəyyən edib.

İddiaçılar nəqliyyat vasitəsinin sahibi Micah Lee-nin öldüyü və ağır yaralandıqları qəzada avtopilot sisteminin Model 3 avtomobilinin qəfildən yoldan çıxaraq ağaca çırpılması və alov almasına səbəb olduğunu iddia edib.

Tesla isə qəzanın "insan səhvi" nəticəsində baş verdiyini iddia edib. Avtomobilin sürücüsü Linin sükan arxasına keçməzdən əvvəl spirtli içki qəbul etdiyini qeyd edən Tesla, məsuliyyəti rədd edərək, qəza zamanı avtopilotun aktiv olub-olmamasının aydın olmadığını bildirib.

ABŞ mətbuatında bu işin nəticəsi ölkə daxilində bir çox oxşar işlərlə üzləşən və ilk qələbəsini qazanan Tesla üçün "böyük qələbə" kimi qiymətləndirilib.