Yunanıstanda bakteriya xəbərdarlığı

Yunanıstanın Mərkəzi Makedoniya bölgəsində Strep-A bakteriyasının sürətlə yayılması səbəbindən 9 məktəbin müvəqqəti bağlandığı bildirilib.

Yunan mətbuatında çıxan xəbərlərə görə, ilk hallar epidemiyanın başlanğıc nöqtəsi olaraq göstərilən Salonikinin Kalamariya bölgəsindəki bir məktəbdə aşkarlanıb. İnfeksiyaya səbəb olan bakteriyaların sürətlə yayılması ilə əlaqədar rayonda 3 ibtidai məktəb və 2 uşaq bağçasında tədris dayandırılıb.

Serres şəhərində Strep A bakteriyasının aşkar edildiyi 4 məktəb ehtiyat tədbiri olaraq müvəqqəti olaraq bağlanıb.

Yunanıstan Milli İctimai Sağlamlıq İnstitutu (EODY) Strep A bakteriyasının çox yoluxucu olduğunu bildirib və şəxsi gigiyena qaydalarına riayət edilməsinin vacibliyini vurğulayıb.

Səlahiyyətlilər, yoluxmuş insanlara antibiotik müalicəsi başladıqdan sonra ən azı 24 saat evdə qalmalarını tövsiyə edərək, panikanın olmaması və vəziyyətin nəzarətli şəkildə idarə edildiyini əlavə etdi.

Narmin Gani

Xəbərin müəllifi

Facebok Twitter LinkedIn

Əvvəlki
“Nar”ın əsas tərəfdaşlığı ilə “TEDx Sumgait” tədbiri uğurla başa çatdı
Sonrakı
Bu günün valyuta məzənnələri

Digər xəbərlər

22.05.2025 Digər