Tramp administrasiyası Harvard beynəlxalq tələbə proqramını dayandırıb

ABŞ-da Donald Tramp administrasiyası Fələstinə dəstək nümayişləri ilə gündəmə gələn Harvard Universitetinə qarşı yeni addım atıb. ABŞ Daxili Təhlükəsizlik Naziri Kristi Noem Harvard Universitetinin beynəlxalq tələbələrin qəbuluna imkan verən Tələbə və Mübadilə Proqramı sertifikatının ləğv edildiyini açıqlayıb.

ABŞ Daxili Təhlükəsizlik Naziri Kristi Noem Harvard Universitetinin beynəlxalq tələbə qəbulu proqramının qanuna əməl etmədiyi üçün dayandırıldığını açıqlayıb. Qərarın fonunda Fələstinə dəstək nümayişləri və Çinlə iddia edilən münasibətlər dayanır.

Noem sosial mediada verdiyi açıqlamada universitetin "şəhərində antisemitizmi təbliğ edərək və Çin Kommunist Partiyası ilə əməkdaşlıq edərək" qanuni öhdəliklərini yerinə yetirmədiyini bildirib. Bildirilib ki, sertifikatın ləğvi ilə bağlı qərar dərhal qüvvəyə minib.

Tramp administrasiyası daha əvvəl Fələstin etirazlarına, müxtəliflik və bərabərlik proqramlarına dəstək verdikləri üçün Harvard da daxil olmaqla universitetlər üçün federal maliyyəni dondurmaqla hədələyib. Universitet bu addımın qanunsuz olduğunu və 2,2 milyard dollarlıq federal maliyyənin və 60 milyon dollarlıq müqavilə haqqının dayandırılacağını əsas gətirərək Harvarda qarşı iddia qaldırıb.