05.03.2026 Siyasət

0 0

ABŞ prezidenti Donald Tramp Ağ Evdə keçirilən görüşdə İrana qarşı müharibə ilə bağlı açıqlamalar verib. Müharibənin ABŞ üçün çox yaxşı getdiyini deyən Tramp bildirib ki, "Kimsə soruşdu ki, '10 baldan neçə bal verərdiniz?' Mən də dedim ki, 'Təxminən 15 bal'.

İrana qarşı hücumları davam etdirəcəklərini bildirən Tramp deyib: "Bizdə dünyanın ən böyük ordusu var. İran isə uzun illər, 47 ildir ki, böyük bir təhlükədir. Onlar xalqımızı və dünyanın hər yerindən insanları öldürürdülər."

Tramp əvvəlcə iddia edib ki, ABŞ hücum etməsəydi, İran da eyni şeyi İsrailə edəcək.

Nüvə sazişi ilə bağlı Obamaya qarşı tənqid

Tramp ABŞ-ın keçmiş prezidenti Barak Obamanı 2015-ci il Birgə Hərtərəfli Fəaliyyət Planı (İran Nüvə Sazişi) ilə bağlı tənqid edərək, onu "indiyə qədər bağlanmış ən pis sazişlərdən biri" adlandırıb. Bu müqavilənin İranın nüvə silahı əldə etməsinə yol açdığını iddia edən Tramp, "Əgər mən onu 'Obama Nüvə Sazişi' adlandırdığım müqaviləyə son qoymasaydıq, çünki bu müqavilə İrana nüvə silahları da daxil olmaqla hər şeyi vermişdi, dörd il əvvəl çox pis şeylər baş verə bilərdi. Çünki onların nüvə silahları olardı. Bu müqaviləyə son qoymağım yaxşı haldır" dedi.

İran rəhbərliyinin sürətlə yoxa çıxdığını iddia edən Tramp, "Lider olmaq istəyən hər kəs ölümlə üzləşir. Gözlərinizin qarşısında baş verənlər inanılmazdır" dedi.