“Bank of Baku” (qısaca - BOB) 2023-cü ilin ilk rübündə xalis mənfəətini 74.12 faiz azaldaraq başlayıb. Bankın əməliyyat mənfəəti isə ötən ilin son rübü ilə müqayisədə 76.6 faiz azalıb.
Kommersant.az xəbər verir ki, BOB-un faiz gəliri ötən ilin sonu ilə müqayisədə 70 milyon 405 min manat azalaraq 29 milyon 665 min manat, faiz xərcləri isə 14 milyon 181 min manat azalaraq 8 milyon 724 min manata enib. Buna görə də bankn xalis faiz gəliri 56 milyon 225 min manat azalaraq 20 milyon 940 min manata düşüb.
Qeyri-faiz gəliri 9 milyon 613 min manat azalaraq 2 milyon 190 min manata, qeyri-faiz xərcləri isə 39 milyon 718 min manat azalaraq 15 milyon 153 min manata enib. Nəticədə bankın əməliyyat mənfəəti 26 milyon 120 min manat azalaraq 7 milyon 977 min manata düşüb.
BOB-un xalis mənfəəti 27 milyon 327 min manat azalaraq 9 milyon 538 min manata bərabərləşib.