"Günay Bank"ın maliyyə göstəriciləri

“Günay Bank” 2020-ci ilin son rübünü 408 min manatlıq mənfəətlə başa vurub.

“Kommersant.az” bankın açıqladığı hesabata istinadən xəbər verir ki, “Günay Bank”ın cəmi aktivləri 2019-cu ilin son rübü ilə müqayisədə 29 milyon 286 min manat artaraq 245 milyon 42 min manata çatıb. Artımın əsas səbəbi bankın müçtərilərinə verdiyi xalis kreditlərin həcminin 33 milyon 195 min manat artaraq 170 milyon 654 min manaa çatmasıdır. Müştərilərə verilən kreditlərin bölgüsündə istehlak kreditləri 323 min manat azalsa da biznes kreditləri 9 milyon 730 min manat artıb. Əsas artım isə bankın ipoteka kreditlərində olub. Belə ki, bank 1 il ərzində ipoteka kreditlərini 22 milyon 543 min manat artaraq 62 milyon 437 min manata çatıb.

“Günay Bank”ın cəmi öhdəlikləri 28 milyon 585 min manat artaraq 179 milyon 965 min manata yüksəlib. Bundan başqa bankın cəmi kapitalı da 701 min manat artaraq 65 milyon 77 min manata çatıb.

“Günay Bank”ın 1 illik maliyyə göstəricilərini və müqayisəsini təqdim edirik:

Günay Bank	2020 (IV Rüb)	2019 (IV Rüb)	Fərq
Cəmi Aktivlər	245,042	215,756	+29,286
Cəmi Öhdəlik	179,965	151,380	+28,585
Cəmi Kapital	65,077	64,376	+701
Xalis Kredit	170,654	137,459	+33,195
İstehlak Krediti	2,200	2,523	-323
Biznes Krediti	126,227	116,497	+9,730
İpoteka Krediti	62,437	39,894	+22,543
Depozit	94,488	151,380	-56,892
Fiziki Şəxslərin Depozitləri	68,888	64,301	+4,587
Hüquqi Şəxslərin Depozitləri	25,600	17,267	+8,333
Faiz Gəliri	12,938	12,070	+868
Faiz Xərci	7,774	8,819	-1,045
Xalis Faiz Gəliri (Zərəri)	5,163	3,250	+1,913
Qeyri-Faiz Gəliri	5,650	8,460	-2,810
Qeyri-Faiz Xərci	8,865	8,369	+496
Əməliyyat Mənfəəti (Zərəri)	1,948	7,341	-5,393
Xalis Mənfəət (Zərər)	408	2,173	-1,765
Mənfəət Vergisi	-	-	-
Məcmu Kapital	64,847	64,178	+669