"Bank Respublika"nın aktivlər cəmi 29% artıb

"Bank Respublika"nın aktivlər cəmi 29% artıb - HESABAT

“Bank Respublika”nın cəmi aktivləri 2022-ci ilin son rübünə 1 milyard 584 milyon 857 min manat olub. Bu da 2021-ci ilin sonu ilə müqayisədə 352 milyon 490 min manat və ya 28.6% çoxdur.

Kommersant.az xəbər verir ki, bankın aktivlər cəminin artmasına əsas səbəb kredit portfeli olub. Belə ki, “Bank Respublika”-nın kredit portfeli 1 il ərzində 242 milyon 620 min manat və ya 33.7% artaraq 962 milyon 560 min manata bərabər olub.

Bankın kredit portfelinin artmasında isə biznes kreditlərinin payı daha çox olub. 2021-ci ilin eyni dövrü ilə müqayisədə biznes kreditləri 141 milyon 168 min manat və ya 27.3% artaraq 658 milyon 115 min manata çatıb. Bundan başqa bankın istehlak kreditləri 86 milyon 980 min manat və ya 61.8% artaraq 227 milyon 600 min manata bərabər olub. “Bank Respublika”nın daşınmaz əmlaka verdiyi kreditlər 14 milyon 599 min manat artaraq 23.5% artaraq 76 milyon 604 min manata çatıb.

Qeyd edək ki, bankın kreditləri 1 il ərzində 246 milyon 471 min manat və ya 34.7% artaraq 956 milyon 424 min manat olub. Bank mümkün zərərlər üçün yaradılan məqsədli ehtiyatını 9 milyon 987 min manatdan 6 milyon 136 min manata salıb.

Bank Respublika	2022 (IV Rüb)	2021 (IV Rüb)	Fərq
Cəmi Aktivlər	1.584.857	1.232.367	352.490
Kredit	962.560	719.940	242.620
İstehlak kreditləri	227.600	140.710	86.980
Biznes kreditləri	658.115	516.947	141.168
Daşınmaz əmlak kreditləri	76.604	62.005	14.599
Xalis Kreditlər	956.424	709.953	246.471
Mümkün zərərlər üçün yaradılan məqsədli ehtiyat	6.136	9.987	-3.851