Cəbhə zonasında qazın verilişi bərpa olundu

07.10.2020 İqtisadiyyat
Cəbhə zonasındakı gərgin vəziyyətlə bağlı qaz təchizatı məhdudlaşdırılan bəzi ərazilərdə qazın verilişi bərpa olunub.

Bu barədə Azərbaycan Dövlət Neft Şirkətinin (SOCAR) "Azəriqaz” İstehsalat Birliyində yaradılan Qərargahdan məlumat verilib.

Məlumata görə, bu gün saat 09:00-dan etibarən Füzuli rayonunun 5 yaşayış məntəqəsinə (Aşağı Kürdmahmudlu, Yuxarı Kürdmahmudlu, Mirzənağılı, Əhmədalılar və Qazaxlar kəndləri) təbii qazın verilməsi təmin edilib.

Hazırda Beyləqan və Bərdə rayonları tam olaraq qazla təmin edilir.

Ağdam rayonu üzrə isə 6 yaşayış məntəqəsi təbii qazla təmin edilməkdədir. Digərlərində müvəqqəti olaraq qaz təchizatı məhdudlaşdırılıb. Tərtər rayonunun isə qaz təchizatı tam olaraq məhdudlaşdırılıb.

  • Əvvəlki

    Düşmən öz tanklarını atəşə tutdu: Ekipaj məhv edildi - RƏSMİ

Digər xəbərlər