Nazir və xidmət rəisləri Nəcməddin Sadıqovun masasında toplandı

09.09.2019 Sosial
Müdafiə nazirinin birinci müavini – Silahlı Qüvvələrin Baş Qərargah rəisi general-polkovnik Nəcməddin Sadıqovun bacısı Simnaz Əsgərovanın yas mərasimində bir neçə dövlət məmurları iştirak edib.

"Kommersant.az" xəbər verir ki, Müdafi naziri Zakir Həsənov bir şəxsi və bir mühafizə avtomobili ilə məclisə gəlib. Daha sonra tək şəxsi avtomobili ilə Baş prokuror Zakir Qaralov, 4 mühafizə avtomobili ilə DTX rəisi Əli Nağıyev, və tək şəxsi avtomobili ilə Müdafiə Sənayesi naziri Mədət Quliyev məclisə gəlib.

Bundan başqa məclisdə hərbi hissələrin komandirləri və nazirliyin yüksək rütbəli zabitləri iştirak edib.

Xatırladaq ki, N.Sadıqovun bacısı S.Əsgərova ayın 7-i axşam saatlarında xəstəxanada dünyasını dəyişib və Yasamal qəbiristanlığında dəfn olunub.