Sükan arxasında siqaret çəkən 55 avtobus sürücüsü cəzalandırılıb

07.10.2019 Sosial
"Tütün məmulatlarının istifadəsinin məhdudlaşdırılması haqqında” Azərbaycan Respublikasının Qanunundan irəli gələn bəzi məsələlərin icrası ilə bağlı həyata keçirilən layihə uğurla davam edir.

"Kommersant.az" xəbər verir ki, Bakı Nəqliyyat Agentliyinin Mətbuat Katibi Mais Ağayevin FED.az-a verdiyi xəbərə görə, layihənin icra edildiyi 3-cü rübün sonunda sərnişinlər tərəfindən avtobus sürücülərinin sükan arxasında tütün məmulatından istifadə etməsi ilə bağlı ümumilikdə 149 müraciət daxil olub: "Bu müraciətlər əsasında müxtəlif müntəzəm marşrut xətlərində çalışan 55 nəfər avtobus sürücüsü barəsində İnzibati Xətalar Məcəlləsinə uyğun olaraq tənbeh tədbiri görülüb.

Eyni zamanda, rüb ərzində müvafiq inzibati xəta barəsində daha çox məlumat verən, tütün məmulatlarından istifadəyə qarşı mübarizə tədbirlərində Bakı Nəqliyyat Agentliyinə dəstək olan bir neçə sərnişin isə mükafatlandırılıb. Həmçinin, il ərzində daha aktiv ictimai fəallıq göstərən və xətalar barədə daha çox məlumat verən bir nəfər sərnişinə isə qiymətli hədiyyə təqdim edilib".

BNA bildirir ki, tütündən istifadə edən avtobus sürücülərinə qarşı mübarizədə sərnişinlərin birbaşa iştirakına şərait yaradan layihənin artıq müsbət nəticələri hiss edilir. Belə ki, aparılan monitorinqlər zamanı müntəzəm marşrut xətləri üzrə avtobus sürücülərinin tütün məmulatından istifadə hallarında azalma müşahidə edilir.

  • Əvvəlki

    Azərbaycanda 3 vergi ödəyiciyisi borcunu ödəməyib - Əmlakları siyahıya alınıb

Digər xəbərlər

15.10.2019 Sosial
Leş əti satan şəxs ifşa olundu
0 0
15.10.2019 Sosial
Sabaha olan hava proqnozu
0 0
15.10.2019 Sosial
Bu ərazilərdə qaz olmayacaq
0 0