Komitə tərəfindən büdcəyə 2 mlrd manata yaxın pul köçürülüb

09.08.2018 Statistika
2018-ci ilin yanvar-iyul aylarında Azərbaycan Dövlət Gömrük Komitəsi (DGK) dövlət büdcəsinə 1 milyard 941 milyon manat köçürüb ki, bu da 2017-ci ilin eyni dövrü ilə müqayisədə 36 faiz çoxdur.

"Kommersant.az" xəbər verir ki, bu barədə DGK-nin hesabatında məlumat verilib.2017-ci ilin yanvar-iyul dövründə büdcə daxilolmaları 1 milyard 428 milyon manat təşkil etmişdi.

İyul ayı üzrə büdcə köçürmələr 322 milyon 161 min manat təşkil edib. Bu, 2018-ci ildə ən yüksək aylıq köçürmədir. Bundan əvvəl 2018-ci ildə ən yüksək aylıq köçürmə Aprel ayında 300 milyon 591 min manat olmuşdu.

Ötən ay büdcəyə daxilolmalar gömrük rüsumlarından 85,95 milyon manat, ƏDV-dən 214,51 milyon manat, aksizlərdən 18,25 milyon manat, yol vergisindən 3,45 milyon manata bərabər olub.

2017-ci ilin iyul ayı ilə müqayisədə gömrük rüsumlarından daxilolmalar 40,3 faiz, ƏDV-dən 16,3 faiz, aksizlərdən 2,3 dəfə, yol vergisindən 23,3 faiz artıb.

Qeyd edək ki, 2018-ci il üçün dövlət büdcəsinə gömrük daxilolmaları üzrə proqnoz 3 milyard 215 milyon manat təşkil edir.

Büdcə daxilolmaları, İyul 2018

Gömrük rüsumu üzrə

85951.20

ƏDV üzrə

214508.30

Aksizlər üzrə

18247.10

Yol vergisi üzrə

3454.90

Cəmi

322161.50