Türk Hava Yolları Bakıya uçuşları dayandırır? - Rəsmi

03.09.2020 Nəqliyyat
Turizm sənayesinin nümayəndələri arasında Türk Hava Yollarının sentyabrın 15-də Bakı uçuşlarını dayandıracağına dair söhbətlər yayılıb.

"Kommersant.az" xəbər verir ki, bu məsələ ilə bağlı Turizmplus.az saytı aviaşirkətin Bakı nümayənliyinə sorğu ünvanlayıb. Türk Hava Yollarının Bakı nümayəndəliyinin rəhbəri Seyfullah İlyas açıqlamasında bu xəbərin yanlış olduğunu bildirib.

“Bu xəbər tamamən əsassızdır. Dövlətimiz bizə uçuşlara icazə verir və Türk Hava Yolları müəyyən olunan reysləri həftədə 11 dəfə olmaqla, yeni nəsil Boinq-777 təyyarələri ilə həyata keçirməyə davam edəcək”, - deyə Seyfullah İlyas bildirib.