ABŞ nümayəndə heyəti Şimali Koreyaya getdi

28.05.2018 Maliyyə
"Şimali Koreyanın böyük iqtisadiyyat və maliyyə ölkəsi olacağına inanıram"

ABŞ nümayəndə heyətinin ABŞ Prezidenti Donald Tramp ilə Şimali Koreyanın Prezidenti Kim Jong arasında keçirilməsi mümkün görüş üçün Şimali Koreyalı nümayəndə heyəti ilə danışıqlar apardığı bildirilib.

"Kommersant.Az" xəbər verir ki, mövzu ilə bağlı Twitter hesabından açıqlama verən Tramp, onunla Kim Jong arasında görüşü planlaşdırmaq üçün ABŞ nümayəndə heyətinin Şimali Koreyaya getdiyini bildirib.

Tramp, "Şimali Koreyanın mükəmməl bir potensialı olduğuna və günün birində böyük iqtisadiyyat və maliyyə ölkəsi olacağına inanıram. Kim Jong da bu məsələdə mənə qoşulur. Olacaq",- yazıb.

Digər tərəfdən, ABŞ Xarici İşlər Nazirliyinin sözçüsü Heather Nauert, verdiyi yazılı açıqlamada, ABŞ nümayəndə heyətinin Şimali Koreyadakı tərksilah edilmiş bölgədə olan Panmunjom kəndində Şimali Koreyalı nümayəndə heyəti ilə görüşdüyünü bildirib.

Nauert, "Tramp ilə Şimali Koreya lideri Kim Jong arasındakı görüş üçün hazırlıqlara davam edirik". ifadəsini istifadə edib.

Trump, ötən Cümə axşamı günü, "İyunun 12-də Sinqapurda keçirilməsi planlaşdırılan görüşü ləğv etməyə qərar verdim. Bunun, həm Şimali Koreya, həm də dünya üçün böyük bir geri addım olduğuna inanıram", ifadələrini işlətmişdi.



Tramp, Kim ilə görüşməyə hələ də isti baxdığını bildirmişdi.

Tramp, "Nələr olacağını görəcəyik. Hazırda onlarla danışırıq.Görüş ayın 12-sinde belə ola bilər. Bu görüşü onlar çox istəyir, biz də olmasını istəyirik",-demişdi.