ABŞ Ali Məhkəməsi Trampın səyahət qadağasını təsdiq etdi

27.06.2018 Maliyyə
ABŞ Ali Məhkəməsi (Konstitusiya Məhkəməsi), Prezident Donald Trampın, aralarında bəzi Müsəlman ölkələrin də olduğu 7 ölkəni hədəf alan səyahət qadağasını Amerika Konstitusiyasına uyğun olduğuna qərar verib.

"Kommersant" xəbər verir ki, ABŞ Ali Məhkəməsində keçirilən səsvermədə qərar 5-ə qarşı 4 səs ilə qəbul olunub.

Ali Məhkəmənin sədri Con Roberts, qərarın qəbul olunmasının ardından verdiyi açıqlamada, Trampın qərarının "Müsəlmanlara qarşı qərəz kimi başa düşülməməsi" lazım olduğunu bildirib.

Qərarın ardından Tramp da sosial media hesabından, "Konstitusiya Məhkəməsi Trampın səyahət qadağasının uyğun olduğunu təsdiq etdi. Wow!"- ifadələrini istifadə edib.

Ağ Evdən verilən yazılı açıqlamada da da qərarın Amerika xalqı üçün bir qələbə olduğu qeyd edilib.


5-İ MÜSƏLMAN CƏMİ 7 ÖLKƏ

Əhalisinin əksəriyyəti Müsəlmanlar olan İran, Suriya, Liviya, Yəmən və Somali ilə bərabər, Şimali Koreya və Venesuela vətəndaşları da yeni ABŞ vizası müraciətlərində sözügedən qadağaya ilişəcəklər.

İlk olaraq sentyabr ayında Tramp rəhbərliyinin gündəmə gətirdiyi və orijinal halında Çadın da adının olduğu siyahıda sonrakı aylarda yeniləmə aparılmış və Çad "öhdəliklərini yerinə yetirdiyi" və bu səbəblə də siyahıdan çıxarmışdı.

Virciniya Federal Kassasiya Məhkəməsi keçən aylarda, Trampın 3-cü və son səyahət qadağanı Konstitusiyaya zidd olduğunu açıqlamışdı.

Məhkəmə qadağanə "İslamı ləkələməyə yönəlik bir cəhd" olduğuna hökm etmişdi.

Donald Tramp, ilk səyahət qadağası qərarını vəzifəyə gəldiyi həftə vermiş, ancaq xüsusilə hava limanlarında xaosa səbəb olan qərar, qısa müddət ərzində 9-uncu Region Kassasiya Məhkəməsi tərəfindən dayandırılmışdı.

İkinci səyahət qadağasını 2017-ci ilin Martda açıqlayan Trampın bu qərarı da qısa müddətdə məhkəmə tərəfindən ləğv edilmişdi.