Trampın Baş iqtisadi məsləhətçisi Fed-ə xəbərdarlıq etdi

30.06.2018 Maliyyə
ABŞ Prezidenti Donald Trampın Baş iqtisadi məsləhətçisi Larry Kudlow, ABŞ Mərkəzi Bankına (Fed) faizi tədricən artırmaq barədə xəbərdarlıq edib.

"Kommersant" xəbər verir ki, Kudlow, "Fed-in, məşğulluğun artmasının və iqtisadi artımın inflyasiyaya səbəb olmadığını anladığını ümid edirəm" deyib.

Həmçinin Kudlow, "Fed sədri Jerome Pauell ilə müəyyən fasilələrlə danışıram, yaxşı bir insandır. İnanıram ki, daha yavaş hərəkət edəcəklərini anlayır" deyib.

Bu il Fed-in 4 dəfə faiz artıracağı gözlənilir. Artıq Fed bu il 2 dəfə faiz artırıb. Faizlərin sürətli artırılmasının ABŞ iqtisadiyyatında yenidən durğunluğa səbəb ola biləcəyindən ehtiyat edilir.