Erdoğandan gömrüklə bağlı - YENİ QƏRAR

10.08.2018 Maliyyə
Xammala qoyulan gömrük rüsumu sıfırlanıb.

“Kommersant.az” xəbər verir ki, Türkiyə prezidenti Rəcəb Tayyip Erdoğan yeni qərar imzalayıb. Qərara əsasən, bəzi gömrük vergiləri tamamilə ləğv edilib.

Günəbaxan yağının bazar qiymətinin sabit şəkildə saxlanılması üçün günəbaxan toxumuna tətbiq olunan gömrük vergisi 27%-dən 13%-ə endirilib. Eyni zamanda ətin qiymətinin bahalaşmasının qarşısını almaq məqsədi ilə yem xammala qoyulan vergilər tamamilə ləğv olunub.

Qeyd edək ki, bu qərarlar “İdxal Rejimi Qərarı”na əlavə olaraq imzalanıb.