Qarabağ Azərbaycandır!

“Facebook” iş tapmağınıza kömək edəcək

12.09.2018 Maliyyə
Artıq iş tapmaq daha asan olacaq.

“Kommersant.az” xəbər verir ki, artıq “Facebook” da istifadəçilərinə “iş elanları” adlı yeni xidmət təklif etməyə başlayacaq. Bu funksiya vasitəsilə işə götürənlər müvafiq vakansiyalar üzrə işçi axtara biləcək.

Əgər funksiyaya abunə olsanız, yeni çıxan iş elanları sizə bildiriş kimi göndəriləcək. Qeyd edək ki, siz funksiya vasitəsilə sistemləşdirmə apararaq müvəqqəti, daimi, könüllü, yarım iş günü və s. kimi bölmələr üzrə qruplaşdırma apararaq istədiyinizi daha qısa vaxtda tapa bilərsiniz. Hətta istəsəniz iş elanları sizə e-mail vasitəsilə də göndərilə bilər.

Qeyd edək ki, bu funksiya ilk dəfə 2016-cı ildə Kanada və ABŞ-da istifadəyə verilib.