Qarabağ Azərbaycandır!

Erdoğandan sərt sözlər

14.09.2018 Maliyyə
“Səbr edirəm, amma səbrimin də sonu var”.

“Kommersant.az” xəbər verir ki, Türkiyə prezidenti Receb Tayyip Erdoğan Mərkəzi Bankın faiz artırma qərarı ilə bağlı artıq müstəqilliyin nəticələrinin görüldüyünü bildirib.

Erdoğan, Türkiyə Mərkəzi Bankının müstəqilliyinin tərəfdarlarına ünvanlanan çıxışında “Müstəqillik deyirdiniz. Budur müstəqillik. Mərkəzi Bank bu vaaxta qədər inflyasiya rəqəmlərini doğru təsbit edə bilməyib. Bu adamlar bu işi bilirsə, faiz dərəcələri ilə bağlı təxminlər tutduğu halda, inflyasiya təxminləri niyə heç zaman uyğun gəlmir? Mən şəxsən hazırda səbr edirəm, amma səbrimin də sonu var”, - deyə, bildirib.

Dövlət başçısı, sonda ABŞ-ın Türkiyəyə qarşı oynadığı oyunun iqtisadi savaşı keçdiyini və mövcud vəziyyətin əslində dünyanın bütün ölkələrinin risk altında olduğunu göstərdiyini vurğulayıb.