Qarabağ Azərbaycandır!

Trumpdan Çinə yeni vergi rüsumu

18.09.2018 Maliyyə
ABŞ-Çin münaqişəsi alovlanacaq.

“Kommersant.az” xəbər verir ki, ABŞ prezidenti Donald Trump Çindən idxal edilən 200 milyard dollarlıq məhsula 24 sentyabrdan etibarən 10% əlavə gömrük rüsumu tətbiq edəcəyini bildirib.

ABŞ rəhbərinin bu gedişlə hansı nəticələri əldə etmək istədiyi müzakirə olunsa da, görünən odur ki, sözügedən 10% ABŞ-Çin münaqişəsini alovlandıracaq.

Onu da qeyd edək ki, Trump açıqlama verərək, bununla da kifayətlənməyəcəyini bildirib. Belə ki, ABŞ rəhbəri Çinin amerikan şirkətlərinə qarşı vergi tətbiq edəcəyi təqdirdə, rüsumların 3-cü mərhələsini başladacağını, yəni əlavə 267 milyard dollarlıq məhsula vergi tətbiq edəcəyini bildirib.