24.05.2018 Dünya

"Kommersant.Az" xəbər verir ki, komissiyanın büdcəyə cavabdeh üzvü Günter Ottinger bu barədə Brüsseldə açıqlama verib.

Açıqlamada 2018-2019-cu illərdə Aİ-nin Türkiyəyə 2 milyard avroya qədər maliyyə ödəyəcəyi, bir milyard avroluq hissənin isə üzv ölkələrin büdcələrindən qarşılanacağı qeyd olunub.

Ancaq qaçqın yardımlarının maliyyələşdirilməsi məsələsində üzv ölkələr arasında fikir ayrılığı var. Komissiya bir milyardın Aİ büdcəsindən, iki milyardın isə üzv ölkələrin büdcəsindən ödənməsini təklif etsə də, bu, üzvlər tərəfindən qəbul olunmamışdı.

Təklifin qəbul olunması üçün Aİ üzvləri tərəfindən təsdiqlənməsi lazımdır.

Türkiyəyə veriləcək 3 milyard avro yardım 2016-cı ildə bu ölkə ilə birlik arasında imzalanan razılaşmanın bir hissəsidir. Türkiyə bunun əvəzində Avropaya keçmək istəyən qaçqınları qəbul etməyi, qanunsuz miqrasiyaya qarşı lazımı tədbirlər görməyi üzərinə götürmüşdü.