Heç kim torpağı özbaşına hasarlaya bilməyəcək - YENİ SİSTEM

30 Oktyabr 12:38 İnşaat və Əmlak
Abşeronun torpaq inzibatçılığında yenilik: elektron kadastr uçotu işləri ilə müasir idarəetməyə keçid oldu.

"Kommersant.az" Əmlak Məsələləri Dövlət Komitəsinin yaydığı məlumata istinadən xəbər verir ki, Torpaqların Elektron Kadastr Uçotu işlərinin yekunlaşması ilə Abşeron rayonunda torpaq idarəçiliyi daha müasir formada təşkil ediləcək. Real şəraitdə praktiki istifadəyə verilən elektron sistem sayəsində rayon ərazisini əhatə edən torpaqlar təyinatına uyğun və səmərəli formada idarə olunacaq. Artıq heç kim torpağı zəbt edə, özbaşına hasarlaya bilməyəcək. Qanundan kənar istifadə edilən torpaqlar tam dəqiqliklə müəyyənləşəcək. Belə ki, bu sistem daha effektiv dövlət nəzarətini həyata keçirməyə imkan verəcək.

Görülən işlərin yekunu olaraq Əmlak Məsələləri Dövlət Komitəsi tərəfindən Abşeronda ictimai təqdimat keçirilib. Torpaqların Elektron Kadastr Uçotu işlərinin nəticələri və real şəraitdə istifadəsi ilə bağlı məsələlər müzakirə olunub. Tədbirdə komitənin tabeli qurumlarının, aidiyyəti mərkəzi icra hakimiyyəti orqanlarının, bələdiyyələrin, rayon İcra Hakimiyyətinin nümayəndələri iştirak edib.

Bildirilib ki, yekunlaşan uçot işləri nəticəsində Abşeron rayonunun bələdiyyə hüdudları daxilində torpaq islahatına cəlb edilmiş 40 min hektar torpaq sahəsinin mövcudluğu öyrənilib. Bəlli olub ki, bu ərazinin 29 min hektarı bələdiyyə, 5,6 min hektarı dövlət, 5,4 min hektarı isə özəl torpaqların payına düşür. Bələdiyyə hüdudları daxilindəki torpaq sahələrinin 1,5 min hektarı əkin sahəsi olmaqla ümumilikdə 21,8 min hektara yaxınını (54.0 %-i) kənd təsərrüfatına yararlı torpaqlar təşkil edir. Rayon üzrə aparılan torpaq islahatı əkin sahələrinin 2,7 min hektar olduğunu göstərir. Lakin elektron uçot işləri nəticəsində müəyyən olunub ki, bu torpaq sahələri kateqoriyası dəyişdirilmədən müxtəlif tikinti proseslərinə cəlb olunmaqla 1,5 min hektara endirilib. Uçot işləri zamanı torpaq payı almış ailələrdən 7,6 minə yaxının torpaq ölçülərinin 1 hektaradək olduğu müəyyən edilib. Bu da torpaq sahələrinin konsolidasiyasına və birləşməsinə ehtiyacın olduğunu göstərir.

Torpaqların Elektron Kadastr Uçotu sisteminin təşkili ilə təyinatından və mülkiyyət növündən asılı olmayaraq bütün torpaqların sərhədləri, həndəsi ölçüləri, iqtisadi qiymətləndirilməsi və bonitirovkası ilə bağlı məlumatlar elektron bazaya daxil edilib. O cümlədən, torpaqların relyefini, meyillilik dərəcəsini müəyyən etməyə imkan verən xəritələr də tərtib olunub. Abşeron rayonundakı torpaq sahələri ilə bağlı belə məlumatlar baş verə biləcək hər hansı qanunsuz dəyişiklikliyi sürətli müəyyən etməyə imkan yaradacaq. Bələdiyyə hesabında olan torpaqların ərazi, sahə və sərhədlərinin dəqiqləşdirilməsi ilə bu ərazilərdən təyinatına və hüquqi rejiminə uyğun istifadə təmin olunacaq.

Təqdimatın sonunda artıq 27 rayon və şəhər üzrə yekunlaşmış layihənin praktiki istifadəsi və nəticələri ilə bağlı iştirakçıların sualları mütəxəssislər tərəfindən cavablandırıldı.

  • Əvvəlki

    1,5 milyard kompüter "Windows"la təchiz olunub

Digər xəbərlər

16 Noyabr 21:19 İnşaat və Əmlak
Bakıda evlər bahalaşmağa başlayıb - SƏBƏB
0 0
12 Noyabr 10:30 İnşaat və Əmlak
57,8 milyard dollarlıq razılaşma və Azərbaycanın payı
0 0
6 Noyabr 12:07 İnşaat və Əmlak
"Fiat Doblo" 3500 manata satıldı
0 0
5 Noyabr 14:24 İnşaat və Əmlak
“Kütləvi çıxarış” Sumqayıtda olub
0 0
5 Noyabr 10:59 İnşaat və Əmlak
Poliklinika hərraca çıxarıldı
0 0
31 Oktyabr 12:40 İnşaat və Əmlak
Əmlak qeydiyyatında yeni layihə - İKİ QURUM RAZILAŞDI
0 0
29 Oktyabr 21:19 İnşaat və Əmlak
Bakıda torpaqlar ucuzlaşır
0 0