13 bank avto kreditləri bərpa edib

13 bank avto kreditləri bərpa edib - SİYAHI

Bu ilin birinci rübündə ölkəyə avtomobil idxalı 2,7 dəfə artıb. Vaxtilə avto kreditlərdən böyük qazanc əldə edən banklar da bu göstəriciləri nəzərə alaraq, yenidən aktivləşməyə başlayıblar.

"Kommersant.Az" monitorinq qrupu avtomobil kreditini bərpa edən bankların sayını və şərtlərini araşdırdı.

Qeyd edək ki, devalvasiyadan sonra problemli kreditlər portfelində avtomobil kreditlərin çəkisi xüsusi yer tuturdu. Buna görə də 2015-ci ildən sonra banklar avto kreditləri ya tamamilə dayandırdı, ya da şərtləri ağırlaşdırdı. 2018-ci ilin ilk aylarından başlayaraq istehlak kreditlərini yenidən bazara təqdim edən bankların bir neçəsi həm də avto kreditləri bərpa etdi.

Hazırda 13 bank avtomobil krediti verir. Banklarda demək olar ki, kredit şərtləri eynidir.

Avtomobil krediti verən banklarımızın siyahısı aşağıdakılardır.

Sıra	Bankın adı	Faiz dərəcəsi	Məbləğ, AZN	İlkin ödəniş	Müddət
1	AccessBank	25 – 28	50.000	Min -40% , Max -50%	24ay
2	Amrahbank	25	3000-100.000	Min -40% , Max -50%	3ay-36ay
3	AtaBank	20-25	Limit yoxdu	Min -40% , Max -50%	12ay-48ay
4	Azər-Türk Bank	Fərdi baxılır	Fərdi baxılır	Fərdi baxılır	Fərdi baxılır
5	Bank BTB	25-27	80.000	Min -40% , Max -50%	36ay
6	Naxçıvan Bank	17-20	Limit yoxdu	Min -50% , Max -60%	Fərdi baxılır
7	Nikoil Bank	25-27	Limit yoxdu	Min -40% , Max -50%	36ay
8	RabitəBank	18-22	Limit yoxdu	Min -40% , Max -50%	3ay-36ay
9	YapıKredi Bank	18-19	Limit yoxdu	Min -40% , Max – 80%	12ay-36ay
10	Turan Bank	19-21	35.000-dək	Min -40% , Max -50%	12-36ay

Banklardan bir neçəsi yalnız tərəfdaş olduqları avtomobil şirkətlərinin xətti ilə kredit verirlər. Bu banklar aşağıdakılardır:

Bank of Baku	Yalnız “Auto Azərbaycan” MMC, onun dilerləri və digər tərəfdaşlar tərəfindən satılan yeni Hyundai markalı avtomobilləri kreditləşdimək mümkündür
NBC Bank	“Avtolux Azərbaycan” MMC ilə əməkdaşlıq şərtlərinə əsasən avtomobil krediti əldə edə bilərsiniz.
Xalq Bank	“Avtolux Azərbaycan MMC” ilə əməkdaşlıq şərtlərinə əsasən avtomobil krediti əldə edə bilərsiniz

Siyahıdan göründüyü kimi, ölkənin 30 bankından 13-nu avtomobil krediti verir. Avtomobil kreditini dayandıran bankların siyahısında AFB Bank, AGBank, Beynəlxalq Bank, Azərbaycan Sənayə Bankı, Bank Avrasiya, Bank Respublika , VTB Bank, Express Bank, Kapital Bank, Muğan Bank, Paşa Bank, Unibank, Ziraat Bank, Silk-Vey Bank, Melli İran Bankı, Pakistan Bankı kimi banklar var.