15.01.2021 Bank

0 0

218 milyon avroya (təxminən 480 milyon manat) başa gələn binanın tikintisinə etiraz edənlər var. Onlar hesab edir ki, bu vəsaitə işğaldan azad olunmuş bölgələrdə infrastrukturun yaradılmasını, habelə, şəhid və qazilərin maddi ehtiyaclarını təmin etmək olardı. Xocalıdan olan Milli Vəkili Elman Məmmədov Gununsesi.info-ya açıqlamasında bu barədə suallamızı cavablandırıb.

Deputatın sözlərinə görə, əgər bu məsələyə dövlət rəhbərliyi səviyyəsində razılıq verilibsə, o zaman narazı olmağımzın əhəmiyyəti qalmır: “Yəqin ki, belə məsləhət bilinib. Ancaq mən bir vətəndaş kimi səmimi fikrimi deyirəm ki, bu gün müharibədən sonrakı dövrdə bərpa-quruculuq, dirçəliş dövründə, eyni zamanda pandemiya dövründə dövlət büdcəsindən xərclənən hər manatın yox, qəpiyin də qədrini bilməliyik. Belə pulu dövlət üçün milltət üçün ən vacib olunan işlərə xərcləməliyik. Mərkəzi Bankın çox gözəl, təmtərqalı, yüksək səviyyədə tikilmiş binası var. Bilmirəm belə bir məbləğə yeni binanın tikilməsi nə dərəcə də məqsədəuyğundur. Ancaq hesab edirəm yaxşı olardı, o pul işğaldan azad olunmuş ərazilərimizin bəspasına həsr olunsun.Şəhid ailələrimizə yarallarımıza, hərbimizə başqa vacib olan yerlərə xərclənsin. Doğrudur Azərbaycanın iqtisadi imkanları, maliyyə imkanları var. Ancaq yaxşı olar ki, çox vacib istiqamətlərə sərf olunsun. İşğaldan azad olunmuş ərazilərimizin bərpasına xərcləsin. Biz müharibədən çıxmışıq”.

Qeyd edək ki, tikintisi planlaşdırılan Mərkəzi Bankın yeni inzibati binası 37 mərtəbədən ibarət olacaq. Bakının Heydər Əliyev prospektində yerləşəcək binanın hündürlüyü 168 metrə bərabər olacaq. Türkiyə şirkətinin tikəcəyi bina 67 981 kvadrat metr ərazidə inşa olunacaq. Tikintisi 3 il davam edəcək. Binanın tikitinsinə 218 (təxminən 480 milyon manat) milyon avro vəsait ayrılacaq.