20.04.2021 Bank

0 0

“Kommersant.az” bankın açıqladığı hesabata istinadən xəbər verir ki, “Pasha Bank”ın xalis kreditlərinin 362 milyon 953 min manat artması bankın cəmi aktivlərəinin böyüməsinə səbəb olub. Belə ki, 2020-ci ilin 1ci rübü ilə müqayisədə bankın aktivlər cəmi 909 milyon 406 min manat artaraq 5 milyard 669 milyon 83 min manata bərabər olub. Depozit portfelini isə 22% artıran “Pasha Bank” öhdəlikləri cəmini 818 milyon 729 min manat yüksəldərək milyard 105 milyon 410 min manata çatdırıb.

Bankın cəmi kapitalı 1 il ərzində 90 milyon 678 min manat artaraq 563 milyon 673 min manat olub.

Faiz gəlirini 11 milyon 48 min manat, faiz xərclərini isə 2 milyon 222 min manat artıran bankın xalis faiz gəliri 20,6 artaraq 49 milyon 828 min manat təşkil edib. Qeyri-faiz gəliri 1 milyon 321 min manat azaldığına görə qeyri-faiz xərcini 3 milyon 491 min manat azaldaraq 36 milyon 854 min manata endirib. Nəticədə bankın əməliyyat mənfəəti 10 milyon 691 və ya 41,6% artaraq 36 milyon 352 min manata bərabər olub.

6 milyon 150 min manat mənfəət vergisi verən “Pasha Bank”ın xalis mənfəəti 15 milyon 306 min manat artaraq 18 milyon 786 min manata bərabərləşib.

Bankın məcmu kapitalı 392 milyon 206 min manat təşkil edib.a