Azərbaycanda fəaliyyət göstərən 30 bankdan 28-nin ötənilki mənfəət-zərər göstəriciləri auditdən sonra dəyişib.
"Kommersant" bildirir ki, bu, "Renkinq"in apardığı araşdırma nəticəsində məlum olub.
Yalnız 2 bankın - İran və Pakistan Milli Banklarının Bakı filiallarının maliyyə göstəriciləri auditən əvvəlki ilə eyni olub.
Audit nəticəsində 28 bankdan 12-nin mənfəəti azalıb, 5 bankın zərəri artıb, 2 bank isə mənfəətdən zərərə keçib. Başqa sözlə, 19 bank auditdən "üzüağ" çıxmayıb.
Qalan 9 bankdan isə 4-nün mənfəəti artıb, 2 bankın zərəri azalıb, 3 bank isə zərərdən mənfəətə keçib. Başqa sözlə, bu banklar auditdən "üzüağ" çıxıb.