Azər Türk Bank kartların qiymətini endirdi

Azər Türk Bank kartların qiymətini endirdi - YAY ENDİRİMLƏRİ

Daim müştərilərinin rifahı və rahatlığını düşünən dövlət bankı Azər Türk Bank müxtəlif xidmət və məhsullar üzrə endirim kampaniyalarını davam etdirməkdədir.

Bankın mətbuat xidmətindən "Kommersant.az"a verilən məlumata görə, “Yay endirimləri” adlanan növbəti kampaniyada ödəniş kartlarının əldə edilməsində 90% endirim nəzərdə tutulub. Belə ki, 15 avqust-15 sentyabr tarixləri ərzində müştərilər tarif üzrə qiyməti 10 manat olan "Visa Electron" kartını 1 manat, qiyməti 15 manat olan "Visa Classic" kartını 3 manat ödəməklə əldə edə biləcəklər.

Bunun üçün Bankın istənilən xidmət ofisinə gələrək şəxsiyyəti təsdiq edən sənədi təqdim etməklə, yaxud http://azerturkbank.az/online/card/ saytından onlayn sifariş vermək olar. Sifariş üç iş günü ərzində yerinə yetirlir.

Əlavə məlumat üçün www.azerturkbank.az saytına, Bankın sosial şəbəkələrdəki rəsmi korporativ səhifələrinə, WhatsApp (055) 7770 945, yaxud (012) 945 nömrəli Məlumat Mərkəzinə müraciət edə bilərsiniz.